Migratsiya boshqarmasi tomonidan e’lon qilingan statistik ma’lumotlarga ko‘ra, 2025-yilda Turkiyada noqonuniy migrantlar orasida O‘zbekiston fuqarolari uchinchi o‘rinni egalladi.
Eng ko‘p noqonuniy migrantlar manbalari bo‘yicha ro‘yxat boshida Afg‘oniston (1-o‘rin) va Suriya (2-o‘rin) turadi.
Statistik ma’lumotlar shuni ko‘rsatadiki:
-
2024-yilda Turkiyada ushlanganlar orasida 65 815 nafar afg‘onistonlik va 50 641 nafar suriyalik aniqlangan.
-
2025-yilda bu ko‘rsatkichlar mos ravishda 44 157 nafar va 22 515 nafarni tashkil etgan.
-
2026-yil 19-fevral holatiga ko‘ra, Afg‘onistondan 5 372 kishi, Suriyadan esa 2 361 kishi noqonuniy migrant sifatida ushlangan.
O‘zbekiston ko‘rsatkichlari
O‘zbekistonlik noqonuniy migrantlar soni 2024-yilda 11 521 nafarga teng bo‘lib, to‘rtinchi o‘rinni egallagan. 2025-yilda bu raqam 13 683 nafarga yetib, uchinchi o‘ringa ko‘tarilgan. 2026-yil boshidan buyon esa 1 437 nafar o‘zbekistonlik noqonuniy migrant sifatida qo‘lga olingan.
Shuningdek, statistikada Turkmaniston, Eron, Iroq, Misr, Fas, Sudan hamda Jazoir fuqarolari ham qayd etilgan.
1982-yildan boshlab ushlangan o‘zbekistonlik migrantlar soni asta-sekin oshmoqda: 2022-yilda ularning soni 7 553 nafardan yuqori bo‘lgan. Aksincha, Afg‘oniston bo‘yicha umumiy ko‘rsatkichlar esa pasayish tendensiyasini ko‘rsatmoqda (115 775).
